.::منتــــــــ دموع القمر ــــــدى::.
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

.::منتــــــــ دموع القمر ــــــدى::.

يرحبـ بكمـ
 
الرئيسيةأحدث الصورالتسجيلدخول

 

 الـــدرس انـتــهـــــى

اذهب الى الأسفل 
كاتب الموضوعرسالة
menna
Admin



المساهمات : 70
تاريخ التسجيل : 06/07/2008
العمر : 32
الموقع : https://freepen.ahlamountada.com

الـــدرس انـتــهـــــى Empty
مُساهمةموضوع: الـــدرس انـتــهـــــى   الـــدرس انـتــهـــــى Icon_minitimeالسبت أغسطس 23, 2008 4:54 pm

الدرس انتهى

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
__________________
الرجوع الى أعلى الصفحة اذهب الى الأسفل
https://freepen.ahlamountada.com
 
الـــدرس انـتــهـــــى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.::منتــــــــ دموع القمر ــــــدى::. :: مملــــــــــــــــــكة التـــــ ع ـــــارف :: مــــنـــــتـــ(صلاح جاهين )ــــــــدى-
انتقل الى: